- A comida como cultura: Cermeño parte da premisa de que comer non é só unha necesidade biolóxica ineludible. O libro explica como o ser humano transformou o instinto de supervivencia nun dos maiores praceres da vida.
- Vínculos sociais e festas: Analiza como a comida funciona como o pegamento da sociedade. Explora o costume tan galego de celebrar todo arredor dunha mesa: aniversarios, vodas, festas populares ou éxitos profesionais.
- Historia e simbolismo: O autor repasa a procedencia de moitos alimentos, as curiosidades históricas da cociña de noso e a evolución dos hábitos alimenticios dende a antigüidade.
- Enfoque divulgativo e ameno: Sendo Cermeño unha das mentes detrás de fitos televisivos da TVG tan vinculados á mesa como a mítica serie Pratos combinados ou o programa gastronómico Larpeiros, o libro mantén un ton moi próximo, divertido, curioso e apto para todos os públicos.
Comemos porque é unha necesidade biolóxica. Comer é inseparable do feito de estarmos vivos, pero tamén comemos porque nos gusta, e soubemos converter esa necesidade nun pracer. Ademais, dicimos que a comida é cultura porque forma parte esencial da nosa vida en común. Producir alimentos e compartilos crea vínculos poderosos entre as persoas. Por iso celebramos arredor da mesa os aniversarios, as vodas, as festas, os éxitos académicos e profesionais e os acontecementos importantes da vida. Este libro ábrenos o apetito por buscar en cada prato moito máis que sabores.
(A Coruña, 1959) é sociólogo, escritor e creador de televisión. Foi director da primeira serie de ficción en galego (Os outros feirantes, TVG 1990) e creador da primeira telecomedia na TVG (Pratos Combinados 1995-2006), unha produción xerminal no noso audiovisual. Imaxinou e dirixiu programas de éxito, como Larpeiros (2007-2019), ademais de ser autor e guionista doutras producións. Publicou Ciencia de facer as camas, Os nervios da cabeza (premio Cidade de Lugo), Historia de Abaddón (Premio Leliadoura de poesía), libros de gastronomía, narrativa infantil e divulgación. Débelle moito á literatura, pero tamén á pesca, á cociña, á antropoloxía da alimentación, ás películas de Billy Wilder e aos paseos pola cidade. En Galaxia publicou Días Felices con Fabia (2023) e Vantaxes e inconvenientesde case todo (2025)
____
Editorial: GALAXIA 05/2026
Idioma: GALEGO
Páxinas: 92
ALIMENTACIÓN
GASTRONOMÍA
ILUSTRADO
COL: LANTERNA DE ARISTÓTELES