Oceánica é un libro divulgativo ilustrado que convida as lectoras e os lectores a descubrir o océano desde dentro: como se formou, que criaturas o habitan, como funciona e por que é esencial para a vida na Terra. A través de preguntas claras, explicacións rigorosas e unha linguaxe accesible, o libro propón unha exploración completa do mundo mariño, desde as profundidades máis extremas ata os ecosistemas costeiros.
Con ilustracións detalladas e unha coidada combinación de ciencia, curiosidade e conciencia ambiental, Oceánica esperta o interese polo coñecemento e fomenta o respecto polo mar e polos seus habitantes. Un libro pensado para aprender, observar e comprender que coidar o océano é tamén coidarnos a nós mesmos. Da man da autora Catalina Velasco, bióloga mariña, o océano convértese nun territorio de preguntas e descubrimentos. As ilustracións de Angela Salerno acompañan esa viaxe e transfórmana en imaxes que axudan a mirar, entender e explorar o mundo mariño.
____
Editorial: Cumio 02-2026
Idioma: Galego
PÁXINAS: 64
INFANTIL: DE 7 A 9 ANOS