Ir ao contido

O DÍA DA LAGOSTA

€13,00
SKU 9788494257094

O día da lagosta está considerada a mellor novela xamais escrita sobre a industria cinematográfica. Ambientada no Hollywood dos anos trinta, durante a Gran Depresión, a obra amosa a crúa realidade do soño americano.



Ante os ollos desencantados de Tod, un pintor chegado a California en busca de inspiración, desfilan personaxes

estrafalarios ansiosos por atopar o seu sitio no soño de ouropel hollywoodense: Faye, bela aspirante a actriz e bailarina, sempre a piques de rematar no prostíbulo; Harry, pai dela, artista de vodevil nas últimas; Homer Simpson, en recuperación tras sufrir un ataque de nervios... Todos eles baten coas forma de vida libertina e dispendiosa dos triunfadores, xerando unha atmosfera abafante tinguida de desesperación que só pode concluír en violencia.

Nado nunha familia de emigrantes lituanos enriquecidos no negocio inmobiliario, Nathanael West (1903-1940) entrou na universidade de Brown grazas ao expediente académico dun seu curmán. Alí dedicouse a ler e licenciouse polos pelos. Despois pasou uns meses de flâneur en París, traballou na construción e tentou facerse millonario fabricando lambetadas, até que atopou traballo de guionista en Hollywood. Morreu nun accidente de automóbil xunto con súa muller en 1940.




Editorial: Irmás Cartone
Idioma: Gallego