DEZ CARTAS ESCRITAS PR’OS GALLEGOS, DE VALENTÍN LAMAS CARVAJAL
-
Orixe histórica:
A obra orixinal recolle os textos de carácter sociolóxico, satírico e político que Lamas Carvajal —un dos pais do xornalismo en lingua galega e fundador de O Tío Marcos da Portela— dirixía ao pobo galego a finais do século XIX para espertar a súa conciencia social e denunciar as inxustizas do caciquismo e a miseria que propiciaba a emigración. -
Un chamamento ao espertar de Galicia
Escrita con motivo da Exposición Rexional de Galicia celebrada en Santiago de Compostela en 1875, Dez cartas escritas pr’os gallegos está formada por dez poemas de ton popular cos que Lamas Carvajal fai un chamamento á conciencia colectiva e á defensa do país.A través dunha linguaxe próxima, directa e combativa, o escritor denuncia problemas como o analfabetismo, o caciquismo, a emigración, o abandono do rural ou o desprezo pola identidade propia. Ao mesmo tempo, reivindica o potencial económico e cultural de Galicia, a educación, o progreso, a unión dos galegos e o uso e dignificación da lingua.
O estudo de Afonso Vázquez-Monxardín analiza o contexto no que xurdiu a obra, o papel das exposicións rexionais como impulso modernizador e de afirmación da identidade galega e a relevancia das Dez cartas dentro da produción literaria e xornalística de Lamas Carvajal. O volume tamén recupera o texto íntegro adaptado á normativa actual, mantendo o sentido e o carácter popular das composicións orixinais.
O exemplar orixinal empregado para realizar esta edición consérvase na Biblioteca da Deputación de Ourense, dentro do fondo bibliográfico de Alberto Vilanova.
____
Editorial: Deputación Ourense 2026
Idioma: Galego
Páxinas: 84
FACSIMILAR