Ir ao contido
Gastos de envío dende 1,95€! 📦
Gastos de envío dende 1,95€! 📦

A NOSA NEGRA

€14,00
ISBN 9788412259339

A nosa Negra, publicada orixinalmente en 1859, é unha das primeiras novelas da literatura estadounidense escrita por unha afroamericana.

Limítrofe coa crónica autobiográfica, a obra narra a crúa vida de Frado, unha muller negra libre que, malia se criar nun estado non escravista do norte, foi vítima do racismo imperante; entronca, polo tanto, coa coñecida como narrativa da escravitude, xa existente en América do Norte dende o século XVIII.

Se ben hoxe, grazas aos múltiples estudos, revisións e reedicións do texto (sobre todo a partir da década de 1980), é posible cualificalo de referencial, no momento da súa aparición non tivo unha boa acollida, en parte por pensarse que a obra ía destinada en exclusiva ao lectorado negro, e en parte por focalizar a denuncia non tanto no escravismo dos estados suristas coma no uso da indentured servitude (servidume non asalariada de corte colonial) como sustento económico do norte; isto é, o maltrato e abuso da poboación negra por parte da sociedade branca. Esta crítica explícita ao funcionamento económico do norte limitou, no mellor dos casos, a promoción da obra. Século e medio máis tarde, A nosa Negra considérase un texto imprescindible no ámbito das letras afroamericanas.

____


Editorial: Hugin e Munin
Idioma: Gallego