No bosque artúrico de Brocelianda, en Paimport (Bretaña) aínda hoxe podemos contemplar a faia de Ponto. Conta unha lenda que foi Ponto, le Roi de la Galice, quen plantou esta faia, outra asegura que a árbore é o propio Ponto, convertido nela tras a súa morte. Partindo do roman medieval francés de finais do XIV Ponthus et la belle Sidonie, Alba Cid e Estevo Creus emprenden unha orixinal relectura poética que, deconstruíndo e ramificando o relato mítico, fai tremer as visións tradicionais do heroe e trae ás areas do presente o fondo cultural do mundo artúrico, lembrándonos a vitalidade do Reino de Galiza como referente na Europa medieval. Coa máxima liberdade creadora, os poemas de A faia de Ponto. Le Roi de la Galice devolven a voz aos personaxes da orixinaria novela en verso, conseguindo que transmitan unha cotiandade moderna sen renunciar ao seu sino histórico. As iluminacións realizadas en exclusiva para a presente edición son obra da artista lisboeta Maria Joâo Worm.
Proxecto gañador do Fondo de proxectos culturais do Reino de Galicia 21-22 da Cultura da Deputación da Coruña
____
Editorial: ACONTRAL FOLQUE 11-2022Idioma: Castellano
