Neste ano 2025, cúmprense 50 anos do asasinato pola policía franquista, na cidade de Ferrol, o 12 de agosto de 1975, do militante e dirixente nacionalista da Unión do Povo Galego, Xosé Ramón Reboiras Noia(Moncho Reboiras).
Este libro forma parte dun conxunto de actividades impulsadas pola Fundación Terra e Tempo, conxuntamente co Comité de Honra, co obxecto de homenaxear, dar a coñecer e popularizar na sociedade galega, nomeadamente entre as clases populares, a figura deste demócrata e nacionalista galego, vítima da represión da ditadura franquista, que deu a súa vida pola defensa da liberdade, da democracia, dos intereses da clase traballadora galega e dos dereitos nacionais de Galiza.
A continuación da biografía que se presenta neste volume sobre Xosé Ramón, Moncho, Reboiras Noia, todos os textos que aparecen neste libro son obra de persoas que compartiron con el militancia e ideario nacionalista, no final da ditadura franquista, e que forman parte do Comité de Honra constituído para o efecto e en honor do compañeiro Reboiras. Sirvan pois de lembranza, recoñecemento, cariño e merecida homenaxe.
____
Editorial: F. MONCHO REBOIRAS 08-2025
Idioma: Galego
Páxinas: 110
ENSAIO
REPRESIÓN FRANQUISTA