Intelixente, rica e fermosa, Emma Woodhouse non precisa marido, pero resúltalle divertido facer de casamenteira para as súas amizades. Ata que a súa confidente Harriet Smith decide casar, e os seus enredos producen consecuencias inesperadas.
Traducido por Moises Barcia
Jane Austen (Steventon, 1775 – Winchester, 1817)
É unha das novelistas máis lidas e con maior infuencia do século XIX. Procedente dunha ampla familia da pequena burguesía rural inglesa, Austen nunca chegou a casar, polo que un dos seus irmáns tivo que negociar a edición dos seus libros nunha época na que as mulleres non tiñan potestade para asinar contratos. O ton irónico e a dependencia que a muller tiña do matrimonio para asegurar a súa posición social e económica caracterizan as súas novelas máis famosas: Sentido e sensibilidade (1811), Orgullo e prexuízo (1813), Emma (1815) e Persuasión (1818).
