O estilo de Sica Romero é rápido, fluído. Encaixa perfectamente coas novas liñas editoriais ‘máis visuais’ e poéticas que podemos observar agora mesmo no mercado do libro. É unha novela onde a poesía ten un lugar especial: aínda que os versos non representen máis que unha vixésima parte da obra, eses poemas resonan na prosa. Polo tanto, é unha obra que no seu conxunto pode ser unha mostra da hibridación de distintas artes, ou/e de distintos xéneros, xa que conflúen a poesía, a prosa, diferentes tipografías, e unha puntuación moi particular nalgúns casos.
Un poema de Rosalía de Castro introduce cada un dos capítulos da novela, o contido deses poemas está estrictamente ligado ós temas tratados en cada capítulo, facéndonos ver así, que a poesía da gran poeta sigue vixente. Coa súa escrita, Sica, tráenos á actualidade as mesmas verbas de inxustiza, e de tantos outros sentimentos reflectidos na obra de Rosalía. Ese é outro valor engadido de Avelaíñas eléctricas: concectar e interpretar na actualidade os problemas que cargamos dende antaño, como se Sica tecese, cos fíos do pasado e do presente, un cable resistente e longo, sobre o que puidese camiñar o mismísimo Philip Pétit entre as torres xemelgas do World Trade Center.
É unha obra recomendable a partir dos trece/catorce anos, incluso é recomendable xusto para esas idades que abranguen a adolescencia, e sen límite máximo porque, a súa vez, calquera outra persoa adulta pode empatizar perfectamente cos personaxes xa que atoparan experiencias e anécdotas que probablemente viviron, ademáis dunha obra completa e enriquecida cun deseño e unha estructura orixinais.
Pode chegar a ser unha boa ferramenta pedagóxica para iniciar debates sobre: a violencia, o amor, a amizade, as responsabilidades, a ética, o sexo/a sexualidade, a discriminación, a diferenza, as drogas/as adiccións, etc. En calquera tipo de institucións: bibliotecas, centros escolares, centros socioculturais, librarías, …
Sica Romero
A experiencia persoal e laboral de Sica estivo sempre ligada á literatura e á arte.
Afeccionada aos libros dende ben pequena gradúase en Historia da Arte (2018) e despois cursa dous mestrados: en “Xestión de Patrimonio, Museos e Mercados” (2019), e en “Formación de profesorado, Especialidade Xeografía e Historia” (2021).
Compaxinou seus estudos con traballos en distintos eidos: bibliotecaria, auxiliar de sala en museos, guía de exposicións, correctora ortotipográfica e investigadora para a edición de libros.
Avelaíñas eléctricas é a súa primeira novela e promete que non será a última xa que non ten pensado abandonar este novo camiño que comezou. Cun estilo propio pero influenciado por escritoras (ás que lles fixo un oco nas estanterías da súa casa), preséntanos a historia de dúas rapazas que rematada a carreira universitaria, intentan fuxir dos seus lobos, das súas sombras.
_____
editorial: néspera 11-2022
Idioma: Galego