MITOS Y LEYENDAS DA GALICIA MÁXICA

A mitoloxía galega bebe de moitas fontes e é herdeira de diferentes tradicións, entre elas da mitoloxía clásica, nórdica e bretoa. Tamén recolle trazos dos antigos contos populares europeos e do bestiario medieval, polo que moitos dos relatos que compoñen o seu extenso imaxinario teñen os seus equivalentes noutras culturas. Estes mitos foron obxecto de especial interese para os grandes clásicos da literatura galega; mais, hoxe en día, encóntranse practicamente esquecidos e resultan descoñecidos para boa parte dos galegos. Polo tanto, a nosa intención con este libro foi recompilar e ilustrar, de xeito sinxelo pero vistoso, algúns daqueles mitos e lendas máis representativos, co obxectivo de contribuír á súa divulgación, tamén entre os máis novos, como exemplo da exorbitante riqueza que conforma a nosa tradición folclórica, de inmenso valor cultural e patrimonial.

Autor do texto: José Luis Casteleiro Santos Ilustrador: Carlos Sardiña Carlos é ilustrador e deseñador gráfico. Fundador de Telodibujamos.com, é autor de numerosas publicacións de carácter personalizado. Como ilustrador, colaborou en libros como Galicia acorda, Bóveda ou Ferro Caaveiro, o arquitecto rebelde da catedral, ademais de con diferentes institucións e entidades privadas. Tamén é autor das ilustracións dos libros Galicia inmaterial, Galicia máxica; Del tulipán al Bitcoin e Rosalía no Seixo, á beira do mar.