Ir ao contido
Gastos de envío dende 1,95€! 📦
Gastos de envío dende 1,95€! 📦

CANDO CHORARON AS CIES

€20,75
ISBN 9788491519430

O día en que choraron as Cíes, miles de persoas nos convertemos en panos de man para enxugar as súas bágoas.

O día en que chorou o mar, miles de persoas fomos quen de berrar “Nunca máis”.

Hoxe o noso mar e grande, segue queréndonos e segue coidando de nós.

Velaquí un libro que trata de amor, dese amor que moitos e moitas lle demostraron ao mar cando estaba estragado pola negrura e a escuridade.

Velaquí os testemuños de homes e mulleres que, coas súas mans e o seu alento, foron capaces de defender o que era noso.

Oxalá nestas páxinas atopedes eses recordos de loita, de bravura e mesmo de sacrificio que os galegos e galegas experimentamos naqueles días.

O DESARTRE DO PRESTIGE. 2002

O desastre do Prestige foi un derrame de petróleo en Galicia provocado polo afundimento do buque petroleiro Prestige en 2002. O accidente afectou a 2000 quilómetros de costa española, francesa e portuguesa. O 13 de novembro de 2002, o petroleiro monocasco Prestige accidentouse nunha tormenta mentres transitaba cargado con 77.000 toneladas de fuel pesado fronte á Costa da Morte, no noroeste de España. Tras varios días de manobra para o seu afastamento da costa galega, acabouse afundindo a un 250 km da mesma
Catastrofe medioambiental
A vertedura da carga causou unha das catástrofes ambientais máis grandes da historia da navegación, tanto pola cantidade de contaminantes liberados como pola extensión da área afectada, unha zona comprendida desde o norte de Portugal ata as Landas de Francia. O episodio tivo unha especial incidencia en Galicia
A loita da sociedade galega
Ante a incompetencia e a falta de medios de Xunta e Goberno, centos de mariñeiros lanzáronse a defender as rías, pescando coas súas redes e as súas propias mans o chapapote. A sociedade civil autoorganizada, as confrarías de pescadores, as mariscadoras, as asociacións, foron as que deron resposta á catástrofe ante a incomparecencia das autoridades.
Solidaridade e voluntariado
Xerouse tamén unha onda de solidariedade en todo o Estado e en moitos países. Acudiron miles de persoas voluntarias, unha marea branca fronte á marea negra, para limpar de chapapote as costas galegas, traballando durante varios meses. Foron días de bágoas e dor, de mentiras e rabia que espertaron no pobo galego unha onda de indignación que asolagou a praza do Obradoiro seis veces na histórica manifestación do 1 de decembro de 2002.
O 21 de novembro de 2002, dous días despois do afundimento do barco fronte á Costa da Morte, co litoral galego agonizando, tomado polo chapapote, un grupo de intelectuais reúnese con dirixentes do BNG e aproban a creación dunha plataforma desde a que canalizar unha manifestación de repulsa pola catástrofe.
O desastre do Prestige, pódese volver producir
Ecoloxistas en Acción alerta de que a catástrofe do Prestige pódese repetir en calquera momento, xa que ao redor de 40.000 barcos ao ano, e aproximadamente un de cada tres (38 ao día), transporta mercadorías perigosas, ademais do seu combustible.
_____

 

Editorial: GALAXIA 11-2022

Idioma: Galego