TODO É POESÍA SALVO ALGUNHA COUSA

Este libro recolle unha escolma do labor crítico de Héitor Mera na segunda xeira no Faro da Cultura, un labor que exerce «con sinceridade e valentía». As súas críticas «rigorosas, centradas no texto, e non en cuestión externas» céntranse na literatura galega actual, especialmente ao xénero da poesía.

Héitor Mera é profesor de Lingua e Literatura no ensino secundario e dende hai dúas décadas desempeña o labor de crítico literario en diversos medios de comunicación. É especialista na figura do poeta cangués Bernardino Graña e autor de diversos estudos sobre a súa obra, entre os que se inclúe a súa tese de doutoramento, a primeira que se leu en galego en toda a historia da UNED.