Libro sobre educación sexual para adolescentes sobre SEXO, PLACER, DIVERSIDADE E CONSENTIMENTO.
SEXUALIDADES é o primeiro libro para adolescentes de 13 a 16 anos da editorial SAVANNA BOOKS, editado en castelán e catalán e forma parte dunha colección con enfoque eco-social que irá crecendo nos próximos anos. Escrito por ISA DUQUE (a Psicowoman) e ilustrado por Lyona.
Ou lles contamos toda a verdade, ou o porno contaralles toda a mentira.
Nunca antes, en toda a historia da humanidade, tivemos ao noso alcance maior cantidade de información, incluíndo todo tipo de contidos sobre sexo. E nunca antes foi tan complicado quedarnos coa información adecuada. Quen filtra?, como sabemos cal é a adecuada? Como distinguir a verdade e a mentira nun mundo dominado por algoritmos?
Nun momento no que falar de sexo “vende” e hai moita xente creando contido sen unha mirada crítica ou formación específica.
Escrito por Isa Duque @lapsicowoman e ilustrado por Lyona @lyona_ivanova Isa Duque é sexóloga e psicóloga especializada sobre todo na Xeración Z, cunha longa traxectoria de formación, talleres e charlas en institutos. Lyona Ivanova leva anos publicando sobre sexualidade cunha mirada que desterra os mitos da cultura dominante. Autora do libro SEX’OH!.
Así que, acabáronse os #SexFake ou os bulos sobre sexualidade , os prexuízos, a teoría aburrida, as vergoñas ou a información que queda a medias. Falemos con naturalidade sobre os xenitais, o consentimento, a masturbación, a aceptación do corpo, a diversidade, a virxindade, o pracer, as prácticas sexuais con nomes raros, os cheiros, os fluídos, as medidas, os pelos, os desexos… Todos os temas que xurdiron nos talleres de Isa con mozos reais e con familias reais. Ilustrados con ese estilo único, natural, cheo de detalles e de personalidade.
____
Editorial: SAVANNA BOOKS 05-2024
Idioma: Galego