O REI SABIO: UN PRÍNCIPE CRISTIÁN, A IBERIA MUSULMÁ E AS ORIXES DO RENACEMENTO

• 🕌 A pegada islámica: Mostra como a intensa admiración de Afonso X pola rica cultura de Al-Andalus facilitou a tradución masiva de textos árabes de astronomía, matemáticas, medicina e literatura. 
• 🚀 O xermolo do Renacemento: O autor defende a tese de que esta asimilación e salvagarda do saber musulmán por parte dun monarca cristián no sur de Europa deixou unha pegada indeleble na civilización occidental, sementando o camiño para o posterior Renacemento europeo. 

Este libro non só é a versión en lingua galega da edición orixinal en inglés. Supón unha posta ao día que ten en conta os últimos estudos sobre Afonso o Sabio, especialmente os referidos á relación do Rei con Galiza. Trátase dunha biografía de Afonso, o rei filósofo do século XIII, e da súa fascinación pola cultura islámica, que deixou unha pegada indeleble na civilización occidental. Simon Doubleday traza a historia da vida e da época do rei, penetrando o seu mundo emocional e amosando como a intensa admiración do monarca pola rica cultura islámica da península Ibérica facilitou o camiño para o Renacemento europeo.

Tradución de Edicións USC, recoñecida nos Premios Nacionais de Edición Universitaria

Os XXIX Premios Nacionais de Edición Universitaria recoñeceron cunha mención especial na categoría de Mellor Tradución a obra editada por Edicións USC O Rei Sabio. Un príncipe cristián, a Iberia musulmá e as orixes do Renacimiento, de Simon Doubleday e tradución de Miguel Giadás Quintela. O xurado valorou o volume por “incidir nunha visión ampla de Alfonso X e a súa relación coa cultura islámica que sentaría as bases culturais do futuro Renacemento español e europeo”.
Este libro non só é a versión en lingua galega da edición orixinal en inglés. Supón unha posta ao día que ten en conta os últimos estudos sobre Afonso o Sabio, especialmente os referidos á relación do Rei con Galiza. Trátase dunha biografía de Afonso, o rei filósofo do século XIII, e da súa fascinación pola cultura islámica, que deixou unha pegada indeleble na civilización occidental. Simon Doubleday traza a historia da vida e da época do rei, penetrando o seu mundo emocional e amosando como a intensa admiración do monarca pola rica cultura islámica da península Ibérica facilitou o camiño para o Renacemento europeo.
O xurado destes premios que recoñecen as mellores publicacións editadas por universidades e centros de investigación españois, está composto por destacadas personalidades independentes do ámbito cultural e da divulgación científica tales como Nuria Azancot, redactora xefa de El Cultural (El Español); Eva Catalán, editora de Educación en The Conversation; Andrés Seoane, redactor de Libros en La Lectura (El Mundo); Alberto Velázquez Gómez del Pulgar, colaborador de Libros e Innovación en ABC; Manuel Rodríguez Rivero, crítico cultural; Eva Orúe, directora da Feira do Libro de Madrid; e José Manuel Anta, director xerente da Federación de Gremios de Editores de España.
Na mesma categoría que o volume da USC resultou premiada a obra Escritos imprescindibles, de Aleksandr Solzhenitsyn e tradución de Marta Sánchez-Nieves Fernández (CEU Ediciones).
Exposición das candidaturas
Creados co propósito de fomentar a visibilidade do libro universitario na sociedade, estes premios consolidáronse como unha referencia imprescindible para o sector editorial académico, como reflicte o crecente número de candidaturas que concorren cada ano. Nesta edición foron 225, procedentes de trinta e seis editoriais universitarias, que permanecerán expostas na Libraría do BOE durante o mes de xullo.

____

Editorial: USC 10-2025
Idioma: Galego
Páxinas: 295
ALFONSO X
HISTORIA