O PULSO DA FRONTEIRA

O pulso da fronteira .é un poemario en galego escrito polo profesor e poeta Pedro del Pozo.

A obra sitúase nunha clara premisa existencial e ética: a idea de que a vida esixe tomar posición. O poemario explora ese espazo íntimo e colectivo no que as persoas elixen as súas palabras, coidan os seus vínculos e habitan un tempo compartido, tomando decisións que, en última instancia, van dándolle forma ao mundo. 

O pulso da fronteira nace precisamente de dita conciencia e da firme insistencia por protexer e reivindicar todo aquilo que merece ser defendido. Deste xeito, os seus poemas convértense nun exercicio de atención, lucidez e claridade fronte ás realidades e os acontecementos que nos rodean. 

Pedro del Pozo Toscano (Sevilla, 1971) reside en Galicia, onde exerce como profesor de Física e Química no barrio dos Mallos na Coruña. É investigador en didáctica da ciencia e posúe unha ampla traxectoria poética en castelán con títulos como Todas las puertas abiertas ou Los nombres de los peces. Con O pulso da fronteira, Pedro del Pozo asina o seu primeiro libro escrito integramente en lingua galega, mantendo o seu estilo atento ás pequenas interaccións da vida común e social.