Mortiña. Unha sorpresa marabillosa

Cando Mortiña sobe ao faiado na procura de disfraces para Halloween, atopa unha postal dos seus pais! Víraos por última vez cando saían para unha longa viaxe… pero nunca máis regresaron. Que sería deles? Para descubrilo terá que botar man de habilidades de detective e de moita imaxinación.

Coa axuda de Tristeiro, o seu can fiel, de Dilbert e de todos os seus amigos e amigas, Mortiña seguirá as pegadas de mamá e papá… Pero, dará con eles?

Unha nova aventura da nena zombi que se converteu nun éxito internacional, publicada en máis de trinta países.

Autora: Barbara Cantini

Barbara Cantini naceu en Florencia no 1977. Despois de licenciarse, graduouse en cine de animación. Traballou como animadora de debuxos animados en varias series de TV para a RAI ata o 2011, cando gañou o concurso «Ilustrador do ano». Desde aquela dedícase a tempo completo á ilustración, e colabora con editores americanos, ingleses e italianos. Vive no campo florentino co home, coas dúas fillas, con catro gatose cun hámster moi valente… xa zombi. Ideou, escribiu e deseñou Mortiña, a serie de éxito internacional, publicada en máis de trinta países, ao que seguiu Mortiña. Un curmán repugnante, Mortiña. O amigo pantasma, Mortiña e as vacacións no lago Misterio y Xoga e crea con Mortiña. Unha noite espantosamente divertida.