- Os prantos galego-portugueses. Estuda estes poemas musicados creados tanto no ámbito cortesán como no relixioso para conmemorar o falecemento dunha persoa, rastrexando tamén os seus ecos na tradición popular.
- Dimensión política e social. Explica como a morte transcendía o feito biolóxico para converterse nun acto público, empregado en encargos dinásticos para afirmar liñaxes, exercicios de memoria colectiva e formas de devoción.
- O imaxinario do alén. Percorre as fontes literarias, musicais e patrimoniais que amosan a presenza cotiá da morte e o tránsito cara ao alén na mentalidade medieval galega.
- Música antiga en directo. Concertos e un EP titulado Cinco prantos para un Reino interpretados polo Grupo de Música Antiga 1500,, que recupera repertorio medieval vinculado a personaxes históricos galegos.
- Roteiros patrimoniais. Percorridos guiados e narrados polo dramaturgo e contador Quico Cadaval por espazos funerarios e históricos de Compostela e Noia.
Que significaba morrer na Idade Media? Os prantos galegoportugueses amósannos un conxunto de prácticas culturais nas que a morte non era só un feito biolóxico, era tamén un acto social, político e artístico.
Estes poemas musicados, creados no ámbito cortesán e relixioso para conmemorar a morte dunha persoa, con ecos na tradición popular, transmiten unha pluralidade de voces e revelan como se construían formas colectivas de memoria, identidade e poder. Neles
recoñecemos non só a dor e o consolo, senón tamén a súa sofisticación estética, encargos dinásticos para afirmar liñaxes, exercicios de memoria colectiva ou formas de devoción.
Redescubrilos hoxe é unha oportunidade para volver a un tempo no que a morte se representaba, cantaba e ritualizaba para dotala de sentido, deixando un legado literario, lingüístico e emocional que segue a interpelar a nosa sensibilidade contemporánea.
____
Editorial: ACENTRAL FOLQUE 01-2003
Idioma: Galego
Páxinas: 125
POESÍA
MÚSICA
HISTORIA