- O desafío da diferenza: O protagonista é Isma, un rapaz de 13 anos que comeza un novo curso escolar cun feito que cambia a súa vida: unha diagnose de TDAH (Trastorno por Déficit de Atención e Hiperactividade). Aínda que para a súa familia supón un alivio ao dar respostas, no instituto convértese no detonante dun drama.
- Un retrato cru do acoso escolar: A novela afonda sen filtros na dura realidade do bullying, poñendo o foco non só no acosador e na vítima, senón tamén na falta de sensibilidade e o descoñecemento do profesorado e do alumnado. A autora sinala a responsabilidade da contorna adulta en construír ou tolerar estes ambientes complexos.
- Humor e cultura pop adolescente: Malia a dureza do tema central, o relato mantén un ritmo moi áxil e dinámico. Está salferido de toques de humor e constantes referencias ao mundo dos videoxogos e dos cómics (o que xustifica o propio título da obra), conectando de xeito directo coa linguaxe e o día a día dos adolescentes actuais.
- Unha luminosa fábula social: O xurado dos Premios Xerais valorou a obra como unha peza indispensable polo seu manexo da lingua galega e a súa capacidade de usar a imaxinación para visibilizar un problema estrutural nos centros educativo
Isma, un mozo de 13 anos, afronta un novo curso do instituto cun cambio significativo na súa vida: unha diagnose de TDAH. O que en principio semella algo positivo para a familia, xa que chega acompañado de respostas -e mesmo de certo alivio-, converterase nun drama no ámbito escolar, onde o protagonista terá que enfrontarse ao descoñecemento e á falta de sensibilidade dun sector do profesorado e do alumnado. Con certos toques de humor e unha chea de referencias ao mundo adolescente actual, «I'm Obélix« achéganos á crúa realidade do día a día nun instituto calquera, onde ser diferente é un desafío e, demasiadas veces, constitúe unha traxedia para a vítima e a súa familia. XVI Premio Jules Verne de Literatura Xuvenil
AUTORA
Raquel Fernández Fernández (Nigrán, 1972) exerce como «chef» nun restaurante da súa propiedade no Val Miñor. A pesar do afastado do mundo literario que poida parecer o seu día a día, a literatura e a escrita sempre formaron parte da súa vida. Ao longo dos últimos anos conseguiu máis dunha quincena de diferentes premios polo seu labor poético e narrativo, entre eles o Certame Literario do Concello de Ames (2020) nas modalidades poesía e narrativa, o segundo premio de poesía do certame Manuel Orestes Rodríguez do Concello de Paradela (2020), o primeiro premio de Relato Curto en Prol da Igualdade do Concello de Melide (2021), o Certame de Microrrelatos do Concello de Vilalba (2020, 2022, 2023) ou o Premio de narrativa do concurso Literario Xaime Illa Couto (2022). En marzo de 2024 publicou a novela «Contas de Buxo», dirixida ao público xuvenil. En xuño dese mesmo ano resultou gañadora do XVI Premio Jules Verne de Literatura Xuvenil con «I'm Obélix» (Xerais, 2024). «Onde bate o mar» (Xerais, 2026) é a súa primeira novela para lectorado adulto.
_____
Editorial: Xerais 10-2024
Idioma: Galego
Páxinas: 184
NARRATIVA
ACOSO ESCOLAR
XUVENIL +12 ANOS