Ir a contenido
¡Inauguramos nuestra nueva web bajando los gastos de envío a 2,95€! 📦
¡Bajamos los gastos de envío a 2,95€! 📦

A GALERNA DE 1961

€32,00
ISBN 978849544464X
O recordo da catástrofe marítima que en 1961 custou a vida a 83 mariñeiros no Cantábrico, revive agora da man de Hixinio Pontes, un libro sobre aquela traxedia, na que o mar só devolveu dous corpos.
A José Sande, a Pepe do Cornán, patrón do pesqueiro Marqués durante aquel 13 xullo de 1961 no que as familias de todos os tripulantes do barco choraban desesperadas e xa os daban por mortos, non lle cabe ningunha dúbida: foi un prodixio, un milagre da Virxe do Carmen que os salvou da galerna a el e aos seus mariñeiros. Desde entón pasaron máis de corenta anos, é certo. Pero a Pepe, home pouco dado a mostrar as súas emocións en público e menos aínda a sentir medo -fillo dunha vella estirpe do mar, xente brava, xenerosa e nobre- aínda se lle asoman as bágoas ao lembrar aquelas horas, e outras bágoas parecidas case se lle asoman tamén a quen lle escoita o que conta.Sande -neto, por certo, do lendario Cornán do Barqueiro, mariñeiro de traiñeira, home de sobrehumana forza do que se conta que era capaz de derrubar un carneiro embistiéndole el mesmo coa cabeza- asegura que non sabe explicar o que lle mordeu o corazón durante aqueles dous días e dúas noites que pasou loitando contra o mar, pero fose o que fose doeralle sempre. «Ou que eu máis pensaba -di Pepe ou Cornán- é que deixaba un filliño que daquela debía de ter dez anos, e a muller en estado... Pensaba: ' Vaime nacer outro neno e eu xa non vou poder veo, vou morrer aquí, non mar'».

____

Editorial: Lea
Idioma: Gallego