4 MULLERES DE PALABRA

Tema literario, aborda a historia da época, realiza un perfil biográfico e literario das escritoras Rosalía de Castro, Emilia Pardo-Bazán, Concepción Arenal e Sofía Casanova.

Rosalía de Castro, Concepción Arenal, Emilia Pardo Bazán e Sofía Casanova conforman unha nova xeración de escritoras que conquistou unha posición sobranceira no ámbito da literatura e do pensamento da súa época. Mostraron unha enorme sensibilidade cara aos sectores máis vulnerables da sociedade, tentando cambiar esta realidade. As catro tiveron unha consideración especial cara á situación da muller, tentando que a perspectiva feminina fose coñecida e respectada. Son catro pioneiras, catro mulleres de palabra.