{"product_id":"el-porvenir","title":"EL PORVENIR E O PENSAMENTO DO SOBERANISMO GALEGO PRIMIGÉNIO","description":"\u003cp lang=\"gl-ES\"\u003e\u003cspan\u003eEl Porvenir nom foi apenas umha revista: foi um latejo. Umha faísca acesa no coraçom dum tempo sombrio, quando a Galiza começava a escuitar-se a si própria entre o ruído da história. Nas suas páginas, escritas com urgência e afouteza, batia a vontade dum mundo novo, umha impaciência por fender as cadeias visíveis e invisíveis que prendiam corpos e consciências.\u003c\/span\u003e\u003c\/p\u003e\n\u003cp lang=\"gl-ES\"\u003e\u003cspan\u003eAli, o trabalho assalariado revelava-se como nova escravitude e o eco das fábricas europeias chegava convertido em denúncia e esperança. O socialismo nom apareceu como umha doutrina fria, senom como ética fervente, como sonho de harmonia em que a dignidade humana pudesse por fim alentar. Ao carom, erguendo a voz com audácia pouco comum, a emancipaçom das mulheres irrompia nom como nota marginal, senom como parte essencial desse horizonte de justiça, como chave para medir o pulso verdadeiro do progresso.\u003c\/span\u003e\u003c\/p\u003e\n\u003cp lang=\"gl-ES\"\u003e\u003cspan\u003ePor baixo, como um rio subterrâneo que acabava por abrolhar à superfície, corria a ideia da Galiza. Umha Galiza que se pensa, que se nomeia, que se quer dona do seu destino. Mesmo quando a censura a obrigava a falar em chave, mesmo quando as palavras precisavam de encobrir o que anunciavam, a aspiraçom ficava nítida: ser, simplesmente, Nós.\u003c\/span\u003e\u003c\/p\u003e\n\u003cp lang=\"gl-ES\"\u003e\u003cspan\u003eNom é estranho que a apagassem. As suas páginas ardiam de mais. E, contodo, o lume nom se extinguiu: ficou latente, preparado para estourar na Revoluçom de 1846 e para alimentar, mais adiante, outras formas de renascimento.\u003c\/span\u003e\u003c\/p\u003e\n\u003cp lang=\"gl-ES\"\u003e\u003cspan\u003eHoje, ao recuperar El Porvenir, nom só se resgata umha publicaçom antiga. Recupera-se umha intensidade, umha ousadia, umha maneira de pensar o mundo desde a periferia como se fosse centro. Umha voz que, atravessando o tempo, ainda nos interpela: que faremos nós com aquele futuro que eles ousárom imaginar?\u003c\/span\u003e\u003c\/p\u003e\n\u003cp lang=\"gl-ES\"\u003e\u003cspan\u003e\u003cstrong\u003eCésar Caramês Branco\u003c\/strong\u003e nasceu em Sam Martinho de Laje, Moranha. É professor de Língua e Literatura no mesmo instituto onde ele estudou, A Xunqueira I de Ponte-Vedra. Publicou artigos sobre história, língua e política em vários meios galegos como\u003cem\u003e Praza, Novas da Galiza, Galiza Livre\u003c\/em\u003e ou \u003cem\u003eVieiros\u003c\/em\u003e. Leva umha década a investigar e reinterpretar a Revoluçom Galega de 1846 e é diretor do documentário que a voltou a colocar como centro de recuperaçom da história da Galiza: \u003cem\u003e1846-Revolución Galega\u003c\/em\u003e.\u003c\/span\u003e\u003c\/p\u003e\n\u003cp\u003e\u003cspan style=\"vertical-align: inherit;\"\u003e\u003cspan style=\"vertical-align: inherit;\"\u003e\u003cspan style=\"vertical-align: inherit;\"\u003e\u003cspan style=\"vertical-align: inherit;\"\u003e\u003cspan style=\"vertical-align: inherit;\"\u003e\u003cspan style=\"vertical-align: inherit;\"\u003e\u003cspan style=\"vertical-align: inherit;\"\u003e\u003cspan style=\"vertical-align: inherit;\"\u003eEditorial: TEMPO GALIZA 04-2026\u003c\/span\u003e\u003c\/span\u003e\u003c\/span\u003e\u003c\/span\u003e\u003c\/span\u003e\u003c\/span\u003e\u003c\/span\u003e\u003c\/span\u003e\u003cbr\u003e\u003cspan style=\"vertical-align: inherit;\"\u003e\u003cspan style=\"vertical-align: inherit;\"\u003e\u003cspan style=\"vertical-align: inherit;\"\u003e\u003cspan style=\"vertical-align: inherit;\"\u003e\u003cspan style=\"vertical-align: inherit;\"\u003e\u003cspan style=\"vertical-align: inherit;\"\u003e\u003cspan style=\"vertical-align: inherit;\"\u003e\u003cspan style=\"vertical-align: inherit;\"\u003eIdioma: Galego\u003cbr\u003ePáxinas: 126\u003cbr\u003eMARXISMO\u003cbr\u003ePOLÍTICA\u003cbr\u003eECONOMÍA\u003cbr\u003eIMPERIALISMO\u003cbr\u003e\u003cbr\u003e\u003c\/span\u003e\u003c\/span\u003e\u003c\/span\u003e\u003c\/span\u003e\u003c\/span\u003e\u003c\/span\u003e\u003c\/span\u003e\u003c\/span\u003e\u003c\/p\u003e","brand":"CÉSAR CARAMÊS BRANCO","offers":[{"title":"Default Title","offer_id":52979345260891,"sku":"9791399039061","price":25.0,"currency_code":"EUR","in_stock":true}],"thumbnail_url":"\/\/cdn.shopify.com\/s\/files\/1\/0296\/0097\/2848\/files\/979139903906.jpg?v=1778705323","url":"https:\/\/libreriaabrente.es\/gl\/products\/el-porvenir","provider":"Librería Abrente","version":"1.0","type":"link"}