- O cancioneiro: Inclúe máis de 80 partituras transcritas a partir do repertorio tradicional, froito dun arduo traballo de estudo e limpeza musical.
- Historia do instrumento: Ofrece un repaso histórico polos inicios, evolución e desenvolvemento desta frauta traveseira tradicional (a requinta) que adoitaba acompañar á gaita na comarca do Ulla.
- Obradoiro García Riobó: Detalla a historia deste taller situado na Estrada, recoñecido como o taller de gaitas e requintas máis antigo de Galicia aínda en funcionamento e o gran motor da frauta ullá.
- Material gráfico e técnico: Enriquecido con fotografías antigas e modernas de grupos tradicionais, bandas de música, planos e imaxes dos propios instrumentos.
- O CD de audio: Acompaña ao libro unha gravación con exemplos das pezas transcritas, permitindo escoitar o son real de vellas requintas, gaitas e percusións da zona.
A requinta da Ulla é un instrumento musical tradicional galego, e como tal a súa historia está ligada a vida e á música do pobo onde se desenvolveu a súa actividade, concretamente no Val do Ulla.
Dende a súa práctica desaparición (sobre os anos 80 do pasado século) ata hoxe, saíron á luz varios traballos imprescindibles para a recuperación deste fermoso instrumento tradicional, pero nunca tiveramos a ocasión de contemplar un cancioneiro de melodías que foran interpretadas no repertorio dos vellos requinteiros. O traballo de transcrición de música sempre é unha difícil tarefa de estudo, limpeza e comprensión, mais sempre ten a súa recompensa cando con él se consigue resgardar e transmitir un patrimonio musical e inmaterial que estaba a piques de desaparecer. Á parte das máis de oitenta partituras transcritas, este estudo contén a historia dos inicios e o desenvolvemento da frauta no Val do Ulla, así como a historia do Obradoiro García Riobó (A Estrada), o taller de gaitas e requintas máis antigo de Galicia aínda en funcionamento, xénese da fermosa frauta ullá. Fotos de instrumentos antigos e modernos, de agrupacións tradicionais e bandas de música, acompañan a esta historia musical do noso pasado. Por último, o lector poderá volver á vida os sons da requinta da Ulla e da súa contorna, coa gravación do CD que acompaña a este libro, que contén exemplos das pezas transcritas nas partituras e os sons das vellas gaitas, requintas e percusións que algún día soaron con forza e as que nos tempos actuais queremos devolverlle o seu protagonismo.
____
Editorial: Embora 2017
Idioma: Galego
Páxinas: 188
MÚSICA