A Irmandade do Anel
As Dúas Torres
O Regreso do Rei
O hobbit Frodo viaxa para destruír o Anel Único e o inimigo provocará unha guerra para recuperalo, xa que é a principal fonte de poder do seu creador, o señor escuro Sauron.
Ambientada na Terra Media, habitada por elfos, hobbits, ananos e humanos, O Señor dos Aneis é a historia do heroe do pobo que, aínda sabendo que o seu destino pode ser fatal, loita por cumplilo, pois del depende a continuidade do seu mundo. Escrita como unha secuela d’O Hobbit, esta obra bebe dos contos de fadas e da mitoloxía, especialmente nórdica, e hoxe forma parte da cultura popular, xa que é unha das obras máis lidas da literatura actual, cuns 150 millones de exemplares vendidos.
O Señor dos Aneis trata principalmente dos hobbits, e nas súas páxinas o lector descubrirá moito sobre o seu carácter e algo sobre a súa historia. Os hobbits constitúen un pobo discreto pero moi antigo, noutrora máis numeroso do que é hoxe en día. Aman a paz e a tranquilidade, e o cultivo da boa terra; o seu hábitat preferido constituíao unha rexión ben organizda e cultivada. Non comprenden nin gostan de máquinas máis complicadas ca un muíño de auga ou un tear de man, anque son hábiles coas ferramentas. Xa nos tempos antigos desconfiaban polo xeral da "Xente Grande". Teñen o oído agudo e a vista penetrante, e anque tenden a ser gordos e non corren innecesariamente, son de movementos áxiles e lixeiros.En A Irmandade do Anel, o primeiro volume desta triloxía, o Hobbit Frodo Bulseiro recibe un Anel máxico como herdanza do seu tío Bilbo. Para protexer este Anel e evitar que caia nas mans dos servidores do Señor Escuro créase A Irmandade do Anel, composta por representantes dos pobos dos elfos, os homes, os hobbits e os ananos, que acompañarán a Frodo durante unha longa viaxe por terras estrañas e perigosas.Publicada en 1955, O Señor dos Aneis, a máis complexa das obras de Tolkien, supuxo a definitiva renovación do xénero fantástico. J.R.R. Tolkien, como filólogo e estudioso dos mitos, elaborou complexas estructuras nas súas historias, cheas de detalles e estilisticamente afastadas das modas. A través do universo fantástico descrito en O Señor dos Aneis, debedor da mitoloxía escandinava, Tolkien formula o tema da corrupción do poder e a impersonalización do mundo industrializado. O seu profundo coñecemento dos ritos e o seu estilo marcadamente inglés fixeron desta triloxía épica, novelas que hoxe teñen unha extraordinaria vixencia e aceptación entre os lectores mozos de todo o mundo.
____
Editorial: XERAIS 11-2018
Idioma: Galego
3 Tomos en tapa branda de peto.