HAI QUEN ESCOLLE OS CAMIÑOS MÁIS LONGOS

O camiño máis curto
Acaba enseguida
E con el
A viaxe
Na que te vistes dunha persoa
Que es ti tamén
Con outra roupa

O camiño máis longo
Ten bruxas, ten ananos, ten perigos, ten lobos
Ten espellos
Nos que vas vendo como mudas
Ten codias de pan seco
Corvos
Serpes
Samesugas
Ten tobos

Hai quen prefire non arriscarse
Ao arrecendo do zucre nunha casa de chocolate
Entre a ramaxe

Hai quen no se detén nin para coller flores
Hai quen prefire a madeira
E non as árbores

 

____

Editorial: Positivas
Idioma: Gallego