Mortiña e o seu mellor amigo, un galgo albino chamado Tristeiro, viven coa tía Defuntiña e pasan os días xogando coas pantasmas de Vila Decadente.
Pero un día ocorre algo inesperado: algúns nenos do lugar, amigos de Mortiña, chegan a Vila Decadente despois de recibiren unha misteriosa invitación, namentres tía Defuntiña desaparece.
Tramaría algo o repugnante curmán Dilbert que acaba de facerlle unha visita?
Autora: Barbara Cantini
Barbara Cantini naceu en Florencia no 1977. Despois de licenciarse, graduouse en cine de animación. Traballou como animadora de debuxos animados en varias series de TV para a RAI ata o 2011, cando gañou o concurso «Ilustrador do ano». Desde aquela dedícase a tempo completo á ilustración, e colabora con editores americanos, ingleses e italianos. Vive no campo florentino co home, coas dúas fillas, con tres gatos e cun hámster moi valente. No 2017 publicouse o primeiro volume da serie Mortiña, un éxito internacional traducido a trece linguas.
____
Editorial: Hércules 03-2023Idioma: Galego