- Mirada crítica sobre o espazo e o xénero. A través de textos como «As cidades e o xénero», a autora analiza o androcentrismo arquitectónico e urbanístico, explicando como os espazos públicos se deseñan habitualmente baixo un patrón masculino.
- Memoria histórica e represión. O libro recupera realidades silenciadas en artigos como «Mulleres e represión na Terra de Montes», onde visibiliza o impacto específico da represión franquista sobre as mulleres desta comarca galega.
- Realidade rural e internacional. A obra traza un percorrido xeográfico que vai desde vilas e cidades galegas (como Cerdedo, Pontevedra ou Compostela) ata Marrocos (Alhucemas), abordando a vida das mulleres no medio rural galego e nas montañas do Rif en textos como «Mulleres no rural» ou «As montañas do Rif en feminino».
- Reflexións para a acción. Cun estilo fluído e accesible, o volume foge das receitas pechadas para ofrecer análises profundas que reivindican accións positivas e fan visibles situacións de desigualdade cotiá.
- Traxectoria docente e activista. Lola Varela (Pontevedra, 1954) exerceu como profesora de lingua e literatura durante case catro décadas en Galicia, noutros puntos do Estado e en Marrocos.
- Pioneira no feminismo universitario. Foi unha das fundadoras da Asociación Universitaria para o Estudo do Problema da Muller (AUPEPM) en Compostela en 1976. Ao longo da súa vida impulsou numerosos proxectos de coeducación, educación afectivo-sexual e prevención da violencia machista, colaborando con colectivos feministas tanto de Galicia coma do norte de África.
O libro que tes nas mans é unha recompilación, unha selección de artigos, relatorios, investigacións e proxectos publicados en diversos medios, cun claro fío condutor: a muller e a súa condición. A proposta recolle feitos actuais, repasa aspectos históricos, reivindica accións positivas, fai visibles situacións. Máis que receitas para solucionar problemas, son reflexións profundas escritas con prosa fluída e apracíbel.
Ler este libro é unha viaxe por Pontevedra, Compostela, Madrid, Alacant, Cerdedo ou Alhucemas (Marrocos). Así, en As cidades e o xénero descúbrenos o androcentrismo arquitectónico que leva a deseñar as cidades en función do estereotipo masculino. En Mulleres e represión na Terra de Montes, fai visible os trazos de xénero da represión franquista sobre as mulleres desa bisbarra. En Mulleres no rural ou en As montañas do Rif en feminino trasládanos a vida das mulleres que, malia vivir a miles de quilómetros, teñen eivas similares...
Estas páxinas tamén amosan a faceta docente de Lola: dunha banda, como profesora de literatura, achéganos en Unha muller do seu tempo a ideoloxía social progresista e reivindicativa de Rosalía de Castro a prol dos dereitos das mulleres; doutra, como docente e feminista, fálanos da necesidade de mudar as formas de relación de dominio patriarcal que non contribúen ao benestar das mulleres e dos homes, da percepción que ten a mocidade sobre a igualdade, a prostitución, a valoración do corpo feminino ou a diversidade sexual e de xénero nas nosas aulas.
A AUTORA
Lola Varela (Pontevedra, 1954). Profesora de lingua e literatura castelá, exerceu como docente 38 anos en diferentes lugares de Galicia, do Estado Español, e, ao cabo, en Alhucemas (Marrocos). Ao longo destes anos ocupou diversos cargos directivos.
Vinculada ao Feminismo dende a Universidade en Compostela, sendo una das fundadoras de AUPEPM, Asociación Universitaria para o Estudo do Problema da Muller (1976), non deixou de organizar proxectos de Coeducación, Educación afectivo-sexual e Prevención da violencia de xénero. Colaborou en revistas de pedagoxía, dirixiu grupos de teatro e animou o trabalo interdisciplinar.
Na actualidade escribe en prensa, imparte conferencias e forma parte do grupo impulsor do blog educandoenigualdade.wordpress.com. Segue a participar en colectivos feministas de Galicia, como SoGaSex ou Comando Igualdade, e de Marrocos, como Femmes sans Frontières ou Forum de Femmes au Rif.
Recientemente publicou o libro Feminismo de proximidade, que reúne artigos, investigacións e proxectos, publicados en diferentes medios, en torno á muller e á súa condición no mundo actual.
____
Editorial: EN SELECTA COMPANHA 2022
Idioma: Galego
Páxinas: 175
MULLER GALEGA
FEMINISMO