Esta novela curta do prolífico Blackwood está considerada pola crítica un dos textos máis representativos e potentes da moderna literatura de terror en lingua inglesa, feito que xustifica as numerosas traducións existentes ás máis diversas linguas, así como, por mor dunha extensión que supera o habitual para un relato, a súa publicación en edicións exentas.
Os salgueiros, publicado en 1907 como parte da colección The Listener and Other Stories, é, en palabras de H. P. Lovecraft, «o mellor relato sobrenatural xamais escrito» e «conforma en por si unha categoría especial da literatura espectral». Dous aventureiros –o narrador e mais o sueco– emprenden unha viaxe en canoa polo maxestoso río Danubio que nun momento dado os leva a acampar nunha illa fluvial localizada nun tremedal. A partir dese momento mergullaranse nun suxestivo ambiente de irrealidade e irán tomando conciencia do «horror cósmico» (así o define Lovecraft) e das presenzas sobrenaturais que os asexan. Mais non só abafa a atmosfera; tamén o desenlace intenso e sobrio, grazas a unha sutileza narrativa de primeira orde.
Idioma: Gallego
Os salgueiros, publicado en 1907 como parte da colección The Listener and Other Stories, é, en palabras de H. P. Lovecraft, «o mellor relato sobrenatural xamais escrito» e «conforma en por si unha categoría especial da literatura espectral». Dous aventureiros –o narrador e mais o sueco– emprenden unha viaxe en canoa polo maxestoso río Danubio que nun momento dado os leva a acampar nunha illa fluvial localizada nun tremedal. A partir dese momento mergullaranse nun suxestivo ambiente de irrealidade e irán tomando conciencia do «horror cósmico» (así o define Lovecraft) e das presenzas sobrenaturais que os asexan. Mais non só abafa a atmosfera; tamén o desenlace intenso e sobrio, grazas a unha sutileza narrativa de primeira orde.
____
Editorial: Hugin e MuninIdioma: Gallego