MARIA ZEF

Maria Zef é unha humilde rapazola friulana que percorre vilas e aldeas vendendo cacharros de cociña coa súa nai e a súa irmá pequena. O traballo é duro, pero Mariutine afróntao con alegría e afouteza. Porén, a prematura morte da nai lánzaa de súpeto a unha terrible vida adulta. Considerada hoxe a gran novela de referencia do Novecento, Maria Zef retrata con tanta dureza como mestría un mundo no que reina a opresión masculina e calquera forma de redención social é unha utopía. Unha novela fermosísima que atrapa desde as primeiras liñas.