MOUROS FÓRA!

Marko Đorđić, un adolescente esloveno de pais serbios de Bosnia, ten como única saída profesional unha carreira no baloncesto que se esfarela tras un incidente aparentemente trivial. A obra narra con realismo e ironía os seus problemas e os da sociedade eslovena dende o barrio obreiro de Fužine.

Cunha prosa urbana, vulgar e radicalmente afastada da linguaxe literaria que anovou a literatura eslovena, Vojnović recibiu non só a aclamación da crítica eslovena, senón tamén unha denuncia da policía pola confusión entre autor e personaxe nunha obra de ficción, o que provocou un escándalo polític

Goran Vojnović

Goran Vojnović (Liubliana, 1980) é un escritor e guionista esloveno. Fillo de emigrantes procedentes de Croacia e Bosnia e Herzegovina, comezou a súa carreira literaria escribindo en fanzines punk da súa cidade natal. Tras estudar Artes Escenográficas, publicou a súa primeira novela Mouros fóra! (2008) a partir dun guión inconcluso. Nas súas novelas as relacións familiares teñen un papel fundamental. Tamén publicou varios poemarios, guións televisivos e cinematográficos, ensaios e unha escolma de columnas xornalísticas.