Canta rutina toleramos? Cantos desencontros son necesarios? Canta atención necesita ese nosoutros? Cantos horizontes distintos nos podemos permitir? Catro parellas, catro momentos vitais e catro finais felices, cada un á sua maneira.
Cuarta novela do autor naronés. Cun estilo clásico baseado na atención meticulosa ás accións e pensamentos dos seus personaxes, Caneiro constrúe un universo literario realista polo que desfilan vidas aparentemente cotiás que van levedando nun ambiente por veces frío e inhumano, por veces acolledor. A novela brilla especialmente no testemuño das contradicións e na captura do sorprendente que reside no ordinario
BIOSBARDIA
Mario Caneiro Ameneiros. Nacido en Narón en 1969 e veciño de Compostela dende 1987, publicou a novela Homiños no ano 2012 na editorial Barbantesa; a súa tradución, Nunca quise ser niño, foi editada en 2015 por Pulp Books. Nese mesmo ano, e de novo en Barbantesa, publica o libro de relatos Emparellados e tres nenas, do que no 2020 nacería o conto ilustrado A nena (en colaboración coa ilustradora Eva Rieiro e publicado na editorial Medulia). Tras a novela Ana e os homes, que viu a luz no ano 2017 e Túnel de vento, o seu primeiro poemario, publicado en 2021, chega esta cuarta novela.
____
Editorial: Barbantesa 09-2023Idioma: Galego