scorpio

Scórpio

15,00

Quem é o enigmático Scórpio? Quem é esse rapaz que cresce no Ferrol dos anos dez? Quem é esse brilhante estudante da Universidade de Santiago dos anos vinte? Quem é esse moço que embriaga de desejo as mulheres que conhece? Quem é esse novo poeta que escreve em galego? Quem é esse capitám republicano que luta contra os facciosos?

Hay existencias

Categoría: Etiquetas: , ,

Em 1987 Ricardo Carvalho Calero publica o romance Scórpio que maravilha o mundo cultural galego e recebe o Prémio da Crítica de narrativa. Depois, o silêncio pola sua escolha ortográfica. Três décadas mais tarde, a Através Editora publica de novo o livro consciente da sua enorme qualidade literária e do seu extraordinário valor de memória histórica na recriaçom do primeiro terço do século XX.

Esta ediçom de Scórpio conta ademais com um esclarecedor epílogo do professor da USC Arturo Casas que ajuda a decifrar as coordenadas do romance de Carvalho Calero desde a análise da Teoria da Literatura.

Ricardo Carvalho Calero (Ferrol 1910 – Compostela 1990) foi um dos maiores inteletuais galegos do século XX, tanto pola sua obra ensaística e criativa como polo seu incansável labor a favor do galeguismo. Interessado desde cedo pola literatura e pola política, estuda na Universidade de Santiago. Em 1933 casa com a companheira de estudos Mª Ignacia Ramos. A Guerra Civil frustra a sua trajetória e depois de lutar no bando republicano é retaliado pola ditadura franquista. Em 1965 torna-se o primeiro professor de galego da Universidade. A partir de 1975 defende umha normativa reintegracionista que provoca, outra vez, a sua marginalizaçom institucional.

Peso 0.200 kg
Autor

Ricardo carvalho Calero

Idioma

Galego

Nº de páginas

300

ISBN

9788416545124

Año edición

2017

Editorial

Através

Prazo de entrega

Inmediato (24 a 72 horas)